12 Contoh Geguritan Pupuh Maskumambang Bali

Contoh Geguritan Pupuh Maskumambang

Mas kumambang,
Kumambang anggén ngastuti,
Ring buk padan ida,
Ida Sang Hyang Wagiswari,
Mapinunas krahaywan.

Réh manira,
Meled mangiketang gurit,
Tingkah dadi pyanak,
Manut ring kecaping haji,
Mungguh ring putra sasana

Wénten sastra,
Pawangun Sri Wararuci,
Sang lwih kapandhitan,
Tirun manira né jani,
Kagurit jeroning lepihan,

Tatujoné,
ipyanak nyak nganutin,
Swadarma ning pyanak,
Miwah bakti tutut asih,
Marep ring sang nyentatayang.

Yan ipyanak,inUeroin
Tan urukang uling cenik,
Indik kerahayon,
Ban sayangé tidong gigis,
Tong tahén nglémékin pyanak.

Mapuara,
Ipyanak tan manut indik,
Melaksana corah,
Sinah bapannya kadalih,
Belog tan ngertyang pyanak

Awinannya,
Pyanaké patut tuturin,
Tutur karahayon,
Sakancan laksana becik,
Tri kaya wak kaya manah.

Yen ipyanak,
Enyak jemet melaja hin, ugu
Kakecap agama,
Dharma sadana kanutin,
Jagaté ngalem nyungjungang.

Yan akéto,
Tingkah pyanaké cenik
Sinah ngawé lédang
Pakayunan byang aji,
Mawuwuh tresna ring weka.

Kabawosang,
Ibapa lewihing kérthi,
Huliyan ipyanak,
Sadhu gunawan uttami,
Nganutin putra sasana.

Kapatutan,
Ipyanak mangentinin,
Gaginan ibapa,
Né suba kabawos becik
Pacang nyumendi pungkuran.

Mwah ipyanak,
Tan pisan nahen macakli,
Satata ngiringang,
Sapituduh byang aji,
Tan mari mang a wé lédang.

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel