5 Contoh Geguritan Pupuh Sinom Bali

Contoh Geguritan Pupuh Sinom

Sinom panembéning tembang,
Putra sesana kagurit,
Pakardin sang kawi reko,
Mpu Tanakung sane rihin,
Anggén titiang pakéling,
Nyalimurang manah ibuk,
Inget tekén pianak,
Tong sida bahan makelid,
Pang da ngambul,
Tungkulang ban kakidungan.

Bilih sida ngaresepang,
Daging tuturé utami, stst ib
Nyalinin solahé kawon,
Nganutin solahé becik.
Sakadi ucapang haji,
Solahé sane rahayu,
Mamangguhang kasubhagyan,
Jagat swarga kapuponin,
Solah letuh,
Ngawinang mangguh naraka.

Awinan titiang mamuatang.
Malajah milu mangurit,
Manawi ta mapikenoh,
Mantuka ring alit-alit,
Ngawinang dangan nampénin,
Ne mungguh ring daging tutur,
Tutur Putra Sasana,
Sasanan sang brahmacari,
Anggén suluh,
Pacang nuju kasubhagyan.

Pangkah tuara ngelah jengah,
Pongah mangaturang gurit,
Tan ngrasa ring déwék belog,
Sinah pacang kakedékin,
Sok nyak milu nuhutin,
Tuara karuan kangin-kauh,
Yadin bhasa-bhasi ta,
Tan manut ring tata-titi,
Lintang bawur,
Kadi crakénné tingkebang.

Punika awinan titiang,
Nunas gung rena ampuri,
Mangda swéca ngalédangang,
Ring kayunné sareng sami,
Ngawit titiang mangurit,
Coma manis watugunung,
Nemonin sasih kesanga,
Isaka siyu sanga lebih,
Tanggun ipun,
Pitulas daweg punika.

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel